top of page
Meðganga.png

Meðganga og getnaðarvarnir
Markmiðin á bak við lykilmarkmiðin

Mismunandi gerðir getnaðarvarna bera misjafnan árangur, hafa misjafna kosti og ókosti, þ.á.m. aukaverkanir.

Markmiðin á bak við lykilhugmyndina eru að nemandi geti :

  • greint frá mismunandi leiðum til að koma í veg fyrir þungun og aðgreint þá vörn sem hver getnaðarvörn veitir.

  • útskýrt að með því að sleppa því að stunda samfarir eða gæta að réttri notkun getnaðarvarna getur komið í veg fyrir ótímabæra þungun.

  • greint frá því að rétt og virk notkun á smokkum og öðrum nútíma getnaðarvörnum geta hindrað það að getnaður eigi sér stað.

  • útskýrt og sýnt hvernig rétt notkun á smokkinum fer fram.

  • útskýrt að neyðarpillan geti hindrað getnað þegar aðrar getnaðarvarnir misfarast, gleymast eða ef nauðgun á sér stað.

  • greint frá því að náttúrulegar ráðstafanir, t.d. rofnar samfarir, eru ekki eins áreiðanlegar í að hindra getnað líkt og nútíma getnaðarvarnir, slíkar ráðstafanir eru þó betra en ekkert.

  • útskýrt að ófrjósemisaðgerðir eru varanlegar aðferðir til að hindra getnað.

Ungt fólk sem stundar kynlíf ætti að hafa greiðan aðgang að getnaðarvörnum, óháð getu, sambandsstöðu, kyn, kynvitund eða kynhneigð. 

Markmiðin á bak við lykilhugmyndina eru að nemandi geti :

  • leitað eftir því hvar og hvernig hægt sé að nálgast smokka og aðrar getnaðarvarnir í sínu umhverfi.

  • útskýrt að engu ungmenni sem sé kynferðislega virkt ætti að vera neitað um smokka eða aðrar getnaðarvarnir byggt á sambandsstöðu þeirra, kyni eða kynvitund.

  • leikið eftir og útskýrt leiðir til þess að nálgast getnaðarvarnir.

Það fylgja því ákveðnir áhættuþættir að ganga með og eignast barn of ung eða með of stuttu millibili. 

Markmiðin á bak við lykilhugmyndina eru að nemandi geti :

  • greint frá því hvaða áhættuþættir fylgja því þegar barnungar stúlkur verða óléttar.

  • útskýrt ávinning þess að eignast börn með ákveðið löngu millibili.

  • útskýrt mikilvægi þess að eignast ekki börn með of stuttu millimili.

  • greint frá því hvaða hugsanir og óskir hann sjálf hefur í kringum eigin framtíðar barneignir.

Ættleiðing er valmöguleiki fyrir þá sem ekki geta eignast börn eða vilja ekki ganga með barn. 

Markmiðin á bak við lykilhugmyndina eru að nemandi geti :

  • greint frá þeim kostum og ókostum sem fylgja ættleiðingu.

  • rætt mikilvægi þess að ættleiðing standi einstaklingum og pörum til boða sem glíma við ófrjósemi eða kjósa þess heldur að ættleiða en að ganga sjálf með barn.

Fræðsla til kynheilbrigðis

Hilja Guðmundsdóttir

M.Ed. í kennslufræði og skólastarfi

Ástríða á málefnum kynheilbrigðis

hiljagud (hjá) gmail.com

 Reykjavík, Iceland

©2023 by Fræðsla til kynheilbrigðis

bottom of page